Reklam verin!
Hər şey Azərbaycan üçün!!!
1. Biz Kişilər elə bilirik ki, qadınların atletik bədən quruluşuna malik kişilərdən xoşu gəlir. Bu yanlış fikirdir. Qadınların xoşuna kişilərin sözu bütövlüyü, kişilikləri gəlir.
2. Kişilər belə düşünürlər ki, istədikləri vaxt istədiyi qadını ata bilər. Yox, bu belə deyil. Çünki qadın böyük qüvvədir. Onun gücü məhz onun qadınlığındadır.
3. Qadınlar ərə getmək istəmir - bu tam olaraq, kökündən yanlış fikirdir. Bütün qadınlar, hətta feministlər belə ailə qurmaq istəyirlər.
4. Kişilərdə belə bir yanlış fikir formalaşıb ki, qadın xəyanətə göz yuma bilər. Bu belə deyil. O deyə bilər ki, heç nəyi görmür, əslində isə hər şeydən xəbəri ola bilər.
5. Sevgini pulla almaq olar. Bu 50/50-dir. Qadın qızıl qəfəsdə yaşaya bilər, amma onun nə fikirləşdiyini kişilər bilməsələr yaxşıdır.
6. Kişilər çox vaxt fikirləşirlər ki, qadınlar hamısı bir adamdır. Hər bir qadın öz-özlüyündə bir şəxsiyyətdir. O qadın güclüdür ki, öz fikrini kişilərə elə çatdıra bilər ki, kişi onu öz fikri qəbul edər.
7. Qadın əgər sevirsə, güclü olur. Zəif kişiyə güclü qadın lazımdır. Bunu kişilər etiraf etmirlər. Güclü qadın həmişə zəif kişini çəkir.
8. Gözəl qadın arzuolunandır. Hər bir kişi gözəlliyə doğru can atır və hər bir kişinin arzusudur ki, onun gözəl qadını olsun.
9. Qadın kişidən "yox" cavabını qəbul etmir. Çünki o, hər bir məsələnin öz həlli olduğunu yaxşı bilir.
10. Qadın hər bir əzaba dözür. Dünyaya uşaq gətirən zaman qadının çəkdiyi əzabın nə olduğunu kişi heç vaxt bilmir.

Açar sözlər:

Yazar: Reshaiq M.Bayramov | Tarix: Aprel 30, 2008 15:18 Yazını "XəbərNamə"yə göndər! | Maraqlıdır | Şərhlər(0) | Baxış sayı: 25

Konfransda Qulamrza Təbrizinin H.Əliyevə həsr etdiyi «Müdriklik Fəlsəfəsi» kitabının təqdimatı olub

Dünya Azərbaycanlılarının Konqresinin Əlaqələndirmə Şurası və Moskvada dərc edilən «Azərbaydjan i zakonnost» qəzeti «Heydər Əliyev, Azərbaycan diasporu və milli mətbuat» mövzusunda birgə beynəlxalq konfrans keçiriblər.  Tədbirdə 30-dək tanınmış ziyalı çıxış edib. Tanınmış jurnalist Qullu Məhərrəmli H.Əliyevin Azərbaycan diasporasının təşkilatlanmasındakı rolu və xidmətləri haqqda məlumat verib.

Tədbirin sonunda 2007-ci ilin yekunu ilə əlaqədar «Azərbaydjan i zakonnost» qəzetinin diplomu qaliblərə təqdim edilib. Konfransda Qulamrza Təbrizinin H.Əliyevə həsr etdiyi «Müdriklik Fəlsəfəsi» kitabının təqdimatı da olub. /ANS PRESS/


Açar sözlər:

Yazar: Reshaiq M.Bayramov | Tarix: Aprel 30, 2008 14:30 Yazını "XəbərNamə"yə göndər! | Xəbərlər | Şərhlər(0) | Baxış sayı: 27

2007-ci ildə məhkəmə qarşısına 300-dən çox yeniyetmə çıxarılıb

Azərbaycandakı yeniyetmə məhkumlar ümumi məhkumların 2 %-ni təşkil edir. Bu rəqəm Bakıda «Yuvenal ədliyyə sisteminin islahatı» mövzusunda keçirilən konfransda səslənib. "Bu rəqəm az olsa da bizi qane etmir" söyləyən ədliyyə nazirinin müavini Toğrul Musayev əlavə edib ki, 2007-ci ildə məhkəmə qarşısına 300-dən çox yeniyetmə çıxarılıb. Onların 70 faizi azadlıqdan mərhumetmə deyil, müxtəlif inzibati, şərti cəzalar alıblar. Toğrul Musayevin sözlərinə görə, yetkinlik yaşına çatmayanların tərbiyə müəssəsində hazırda 47 nəfər cəza çəkir. /ANS PRESS/


Açar sözlər:

Yazar: Reshaiq M.Bayramov | Tarix: Aprel 30, 2008 14:27 Yazını "XəbərNamə"yə göndər! | Xəbərlər | Şərhlər(0) | Baxış sayı: 25

Ermənilər indi də Uzundərədə hərbi təlimlər keçirirlər
Cəbhə xətti boyunca atəş səsləri indi də eşidilir

Ermənilərin Azərbaycanın Ağdam rayonunun işğal altında olan ərazilərində keçirdikləri hərbi təlimlər davam edir. ANS PRESS-in bölgə müxbirinin məlumatına görə, təlimlər bu gün səhər saat 10:30-dan başlayıb və əsasən Uzundərə adlanan ərazidə aparılır. Hərbi təlimlərdə əsasən «Qrad», toplardan və ağır texnikadan istifadə edilir. Atəş səsləri bu dəqiqələrdə də cəbhə xətti boyunca yerləşən ərazilərdə eşidilir.
Xatırladaq ki, ötən gün də erməni silahlı qüvvələri bir saat ərzində Ağdam şəhəri ətrafında hərbi təlimlər keçiriblər. /ANS PRESS/


Açar sözlər:

Yazar: Reshaiq M.Bayramov | Tarix: Aprel 30, 2008 14:26 Yazını "XəbərNamə"yə göndər! | Xəbərlər | Şərhlər(0) | Baxış sayı: 24

Düşmən cavab atəşi ilə susdurulub

Ermənistan silahlı qüvvələri aprelin 29-u axşamdan başlayaraq gecəyarısına kimi fasilələrlə atəşkəs rejimini pozub. Erməni ordusu Ermənistanın İcevan rayonunun Berkaber kəndində yerləşən mövqelərindən Azərbaycan Ordusunun Qazax rayonu sahəsindəki mövqelərini, həmçinin Ağdamın Mərzili və Yusifcanlı kəndləri, Xocavəndin adsız yüksəklikləri və Kuropatkino kəndi, Füzulinin Qərvənd, Tərtərin Çiləbürt kəndləri yaxınlığında yerləşən mövqelərindən Azərbaycan Ordusunun üzbəüz mövqelərini avtomat və pulemyotlardan atəşə tutub. Müdafiə Nazirliyinin mətbuat xidmətinin məlumatına görə, bütün hallarda düşmən cavab atəşi ilə susdurulub, itki yoxdur. /ANS PRESS/


Açar sözlər:

Yazar: Reshaiq M.Bayramov | Tarix: Aprel 30, 2008 11:59 Yazını "XəbərNamə"yə göndər! | Xəbərlər | Şərhlər(0) | Baxış sayı: 25

Fermerlər taxıl qıtlığının yaranacağından ehtiyatlanırlar

Quba Rayonun Zərziba kəndinin taxıl zəmilərinə çəyirtkələr hücum edib. Bu barədə məlumatı ANS PRESS-ə fermerlər veriblər. Onların sözlərinə görə, son 4-5 gündə həşaratların hücumları daha da aktivləşib. Artıq çəyirtkələr 50 hektar taxıl sahəsində bitkilərin yarpaqlarını yararsız hala salıblar. Fermerlər bildiriblər ki, əgər yaxın günlərdə buna qarşı tədbirlər görülməsə, taxıl azlığından əziyyət çəkən ölkə üçün bu vəziyyət daha da acınacaqlı olacaq.
Faktı Rayon Bitki Mühafizə Mərkəzinin direktoru Hacıbala Əzizov da təsdiqləyib. Onun ANS PRESS-ə verdiyi məlumata görə, taxıl sahələrinə hücum edən həşaratlar Asiya çəyirtkələridirlər. Onlar bitkilərin yaşıl yarpaqlarını yeyərək onları məhv edirlər. Hacıbala Əzizov bununla bağlı rəsmi qurumlara məlumat verildiyini deyib.
Rayon icra hakimiyyətinin birinci müavini, rayon Fövqəladə Hallar Komissiyasının sədri Yusif Abidov isə bu gün ərzində taxıl sahələrinin dərmanlanacağını söyləyib./ANS PRESS/


Açar sözlər:

Yazar: Reshaiq M.Bayramov | Tarix: Aprel 30, 2008 11:55 Yazını "XəbərNamə"yə göndər! | Xəbərlər | Şərhlər(0) | Baxış sayı: 25

Bu barədə Rabitə və İnformasiya Texnologiyaları Nazirliyinin müavini İltimas Məmmədov bildirib

"Yaxın günlərdə İnternet qiymətlərinin azalması barədə məsələ müzakirə ediləcək. Lakin internet keyfiyyəti bununla pis olmayacaq". Bu barədə jurnalistlərə Rabitə və İnformasiya Texnologiyaları Nazirliyinin müavini İltimas Məmmədov bildirib.

Onun sözlərinə görə, Azərbaycanda İnternetin qiymətlərini Tarif Şurası yox, bazar tənzimləyir. İ.Məmmədov qeyd edib ki, Şura İnternet xidmətlərinin qiymətlərini, onların faktorlarını təhlil edir. Bununla o, qiymətlərin azalması üzrə təklif etmək niyyətindədir. /"Turan"/


Açar sözlər:

Yazar: Reshaiq M.Bayramov | Tarix: Aprel 30, 2008 9:01 Yazını "XəbərNamə"yə göndər! | Xəbərlər | Şərhlər(0) | Baxış sayı: 27

Qabaqki yazılar

  Yazılar cəmi: 93    Sonrakı səhifə »
© 2008 Bütün hüquqları qorunur və Rəşaiq M.Bayramova məxsusdur - Dəstək: AzeriBlog.com